काठमाडौँ । प्रदेश २ का मुख्यमन्त्री लालबाबु राउतले प्रदेश २ सरकारलाई बदनाम गर्ने प्रयास भएको बताएका छन् । बुधबार प्रदेशसभा बैठकमा उनले प्रदेश २ सरकारलाई विभिन्न ढंगले हमला गर्ने प्रयास भइरहेको बताए ।

उनले अख्तियार दुरुपयोग अनुसन्धान आयोगले मुख्यमन्त्री कार्यालयमा छापा मारेको प्रति आपत्ति जनाए । उनले केही कमजोरी भए बोलाएर सोध्न सक्ने भन्दै एक्कासी छापा मार्नु आपत्तिजनक भएको बताए । आफू सुशासन र पारदर्शिताको पक्षपाती रहेको भन्दै उनले प्रदेश सरकारलाई बदनाम गर्न षड्यन्त्र भइरहेको बताए ।