काठमाडौं । नेकपा एमालेका प्रतिनिधीसभा सदस्य तथा केन्द्रीय सदस्य भानुभक्त जोशी नेकपा एकीकृत समाजवादी पार्टीमा प्रवेश गरेका छन् । उनलाई नेकपा एकीकृत समाजवादीका अध्यक्ष माधव नेपालले उनलाई टिका र खादा ओढाएर पार्टीमा स्वागत गरेका थिए ।

जोशी सुदुरपश्चिम प्रदेशका प्रभावशाली नेता पनि हुन् । एमालेमा जोशी सुदुरपश्चिम प्रदेशका अध्यक्ष थिए । जोशी २०५१ सालको निर्वाचनमा बझाङ क्षेत्र नम्बर १ बाट प्रतिनिधिसभा सदस्यमा निर्वाचित भएका थिए । त्यस्तै सोही क्षेत्रबाट २०६४ सालमा उनी संविधानसभा सदस्यमा निर्वाचित भएका थिए । उनले यसअघि वनमन्त्रीसमेतको जिम्मेवारी सम्हालिसकेका छन् ।

उनी पहिले माधव नेपाल एमालेमा रहँदा माधव नेपालसँगै रहेका थिए । तर पछि माधव नेपालले अलग पार्टी गठन गरेपछि उनी भीम रावल लगायत नेताहरुसँगै एमालेमै रहेका थिए ।

तर उनले एमालेमा ब्यीक्तवाद हावी भएकोले आफु नेकपा एकीकृत समाजवादीमा आएका वताएका छन् ।

उनलाई नेकपा एसले पार्टीको स्थायी समिति सदस्यका रुपमा जिम्मेवारी दिने भएको छ । अध्यक्ष माधव नेपालले उनलाई पार्टी प्रवेश गराउँदै आजै बस्ने स्थायी कमिटि बैठकले स्थायी कमिटि सदस्यको जिम्मेवारी दिने सुनाएका थिए ।