काठमाडौँ । सत्ता गठबन्धन दलले नेकपा एकीकृत समाजवादीलाई बागमती प्रदेशको मुख्यमन्त्री दिने भएको छ । बिहीबार प्रधानमन्त्री निवास बालुवाटारमा बसेको गठबन्धन दलको शीर्ष नेताहरूबीच एकीकृत समाजवादीलाई बागमती प्रदेशको मुख्यमन्त्री दिने सहमति भएको हो ।

स्रोतका अनुसार मन्त्रिपरिषद्लाई पूर्णता दिन बालुवाटारमा बसेको बैठकमा बागमती प्रदेशको मुख्यमन्त्रीको बारेमा समेत छलफल भएको हो । बैठकले जति सक्दो चाँडो मुख्यमन्त्रीको बारेमा समेत टुंगो लगाउने भएको हो ।

यस्तै, आजको बैठकले मन्त्री मण्डल विस्तार गर्ने भनिए पनि दलहरुबीच मन्त्रालय भाग वण्डामा विवाद भएपछि मन्त्रिपरिषद विस्तार रोकिएको छ ।

दलहरूले थप छलफल गरी भोलि शुक्रबार मन्त्री मण्डल विस्तार गर्ने निर्णय गरेको छ । जसमा नेपाली कांग्रेसले ८, नेकपा माओवादी केन्द्रले ५, एकीकृत समाजवादी र जनता समाजवादी पार्टीले ४–४ मन्त्रालय लिने सहमति भएको थियो ।