काठमाडौँ । नेकपा एकीकृत समाजवादीको चुनाव चिह्न कलम हुने भएको छ । बिहीबार बसेको पार्टीको स्थायी कमिटी बैठकले चुनाव चिह्न कलम राख्ने निर्णय गरेको प्रचार विभाग प्रमुख जगन्नाथ खतिवडाले जानकारी दिए ।

यस्तै, बैठकले चार पदाधिकारी मनोनयन गरेको छ । प्रचार विभाग प्रमुख जगन्नाथ खतिवडालाई उपमहासचिव तथा गरिमा साह, जीवनराम श्रेष्ठ र भागवत विश्वासीलाई सचिवमा मनोनित गरेको छ ।

चुनाव चिह्न कलम राख्नेबारे कानुनी प्रक्रिया टुंग्याउने खतिवडाले जानकारी दिए ।