काठमाडौँ । माल्दिभ्समा जारी साफ च्याम्पियनसीप आजको खेलमा भारत र श्रीलंकाले अंक बाँडेका छन् । दुवै टिमले गोल गर्न नसकेपछि ०-० को नतिजा निकाल्दै अंक बाँडेको हो ।

आजको खेलमा दुवै टिमलाई जितको आवश्यक रहेको थियो । तर, गोल गर्न नसकेपछि अंक बाँड्ने अवस्थामा पुगेको हो ।

श्रीलंका यसअघिका दुवै खेलमा पराजीत भइसकेको छ । आजको खेलमा बराबरी रोकिएसँगै उसको फाइनल यात्रा सकिने भएको छ ।

यस्तै, भारतका लागि जित आवश्यक रहेको खेल बराबरीमा रोकिएसँगै अंक तालिकामा भारत कमजोर बन्न पुगेको छ । यसअघि बंगलादेशसँग पनि भारतले बराबरी नतिजा निकालेको थियो । आजको खेल बराबरीमा रोकिएसँगै ७ पटकको च्याम्पियन बनेको उसको फाइनल यात्रा कठिन बनेको छ ।

यता आजको नतिजा नेपाललाई अनुकूल बन्न पुगेको छ । दुई खेलमा जित निकालेर अंक तालिकाको शीर्ष स्थानमा रहेको नेपाल फाइनलको बलियो दाबेदार बनेको छ ।