काठमाडौं । सिभिल समुहका अध्यक्ष इच्छाराज तामाङविरुद्ध ३ सय ७५ जनाले उजुरी दिएका छन् । अध्यक्ष तामाङबाट ठगिएका ३ सय ७५ जनाले प्रहरी केन्द्रीय अनुसन्धान ब्युरो (सिआइबी)मा उजुरी िदएका हुन् ।

सिआईबीका प्रवक्ता प्रहरी उपरिक्षक (एसपी) श्याम कुमार महतोका अनुसार शुक्रबारसम्म मात्रै ३ सय ७५ जना पीडितहरुले तामाङसहित पक्राउ परेका १२ जना विरुद्ध ठगीको जाहेरी दिएका छन् । शुक्रबारसम्म १ अर्ब ७५ करोड ३६ लाख भन्दा बढी रकम ठगिएको भन्दै बचतकर्ताहरुले उजुरी दिएको प्रवक्ता महतोले जानकारी दिए ।

सिभिल सहकारीका अध्यक्ष तथा ऋण शाखाको प्रमुख केशवलाल श्रेष्ठ र सिभिल बैंकका अध्यक्ष इच्छाराज तामाङले बचतकर्ताहरुको ८ अर्बभन्दा बढी बचत रकम हिनामिना गरेको आरोपमा उनीहरु दुई जनासहित १२ जनालाई सिआइबीले पक्राउ गरेको थियो ।