श्रीमतीको हत्या अभियोगमा पक्राउ
मेरोन्यूज
२०७८ असोज २३ गते ९:४०
सुर्खेत । श्रीमतीको हत्या अभियोगमा एक जना पक्राउ परेका छन् । ४० वर्षीय कमला नेपालीलाई कुटपिट गरी हत्या गरेको अभियोगमा वीरेन्द्रनगर नगरपालिका ३ रातोपुल बस्ने ५० वर्षीय सुरेश नेपालीलाई प्रहरीले शुक्रबार पक्राउ गरेको हो ।
सुरेशले गत असोज ५ गते कुटपिट गर्दा गम्भीर घाइते भएकी कमलाको कर्णाली प्रदेश अस्पताल कालागाउँमा उपचारको क्रममा शुक्रबार मृत्यु भएको हो ।
जिल्ला प्रहरी कार्यालय सुर्खेतबाट खटिएको प्रहरीले सुरेशलाई नियन्त्रणमा लिएर यस सम्बन्धमा अनुसन्धान गरिरहेको छ ।
सम्बन्धित
प्रतिक्रिया