काठमाडौं । नेपाल कम्युनिस्ट पार्टी (एकीकृत समाजवादी) ले ३ सय ३५ सदस्यीय केन्द्रीय कमिटी गठन गरेको छ । पछिल्लो पटक ३४ जना केन्द्रीय सदस्य थप गदैं नेकपा एसले ३ सय ३५ सदस्यीय केन्द्रीय कमिटी र ३४ सदस्यीय तीन केन्द्रीय आयोगसहित ४ सय ३७ जना केन्द्रीय नेताहरुको कार्यविभाजन समेत गरेको छ । सरकारमा सहभागी मन्त्रीहरुलाई पार्टी कामको जिम्मेवारी नदिई सरकारमा मात्र केन्द्रीत गर्ने गरी कार्यविभाजन गरेको छ ।

पदाधिकारीदेखि केन्द्रीय कमिटी सदस्यसम्म ‘जम्बो कमिटी’को अभ्यासमा नेकपा एकीकृत समाजवादी पनि अगाडी बढेको छ ।

नेकपा (एस)का अध्यक्ष माधवकुमार नेपालले अन्तरपार्टी निर्देशन जारी गर्दै नेताहरूको थपिएका नेताहरुको नाम देखि जिम्मेवारी र संगठन संरचना सार्वजनिक गरेका छन् ।

३ सय ३५ सदस्यीय केन्द्रीय कमिटी, ४२ सदस्यीय स्थायी कमिटी, ९४ सदस्यीय पोलिटब्युरो, ११ सदस्यीय केन्द्रीय सचिवालय गठन भएको अपानिमा उल्लेख छ । पूर्वप्रधानमन्त्री झलनाथ खनाललाई सम्मानित नेता भनिएको छ । उनलाई विदेश विभाग प्रमुखको जिम्मेवारी पनि दिइएको छ ।

मुकुन्द न्यौपाने र प्रदीप नेपाललाई नेताको हैसियत दिइएको छ । न्यौपानेलाई उद्योग, वाणिज्य विभाग प्रमुख तथा उद्योग व्यवसाय फाँट इन्चार्जको जिम्मेवारी दिइएको छ भने नेपाललाई प्रतिष्ठानहरूको इन्चार्ज बनाइएको छ ।

नेपालले यस अगाडी आफु माधव नेपालसँग पनि साथ नरहेको बताएका थिए । जीवनराम श्रेष्ठलाई संघीय संसदीय विभाग प्रमुखको जिम्मेवारी दिइएको छ ।

यी हुन नेकपा एकीकृत समाजवादीका केन्द्रीय सदस्यको सूचि