काठमाडौँ । गृहमन्त्री बालकृष्ण खाँणले नेकपा (क्रान्तिकारी माओवादी)का महासचिव मोहन वैद्यको स्वास्थ्या अवस्थाबारे जानकारी लिएका छन् ।

मंगलबार बिहान थापाथलीस्थित नर्भिक अस्पताल पुगेर मन्त्री खाँणले वैद्यको स्वास्थ्याबारे जानकारी लिएका हुन् । सो क्रममा उनले सरकारको तर्फबाट नेता वैद्यको शीघ्र स्वास्थ्य लाभको कामना गर्दै अस्पताल प्रशासन र उनको उपचारमा संलग्न चिकित्सकलाई उपचारमा कुनै कमी नगर्न आग्रह गरे ।

वैद्यको उपचारमा संलग्न चिकित्सकले उनको स्वास्थ्य अवस्था सुधारोन्मुख रहेको जानकारी दिएका थिए । स्वास्थ्यमा समस्या देखिएपछि सहासचिव वैद्य गत आइतबार अस्पताल भर्ना भएका थिए ।