काठमाडौँ । सुदूरपश्चिम प्रदेश सरकारको आकस्मिक बैठक सुरु भएको छ । मुख्यमन्त्री त्रिलोचन भट्टले अविरल वर्षासँगै आएको संकटको समाधान गर्न मन्त्रिपरिषद्को आकस्मिक बैठक बोलाएका हुन् ।

वर्षासँगै प्रदेशका विभिन्न ठाउँमा बाढी, पहिरो तथा र राहतका विषयमा छलफल गर्न मुख्यमन्त्री आकस्मिक बैठक बोलाएका हुन् । सुदूरपश्चिम प्रदेशमा आइतरबार रातिदेखि परेको वर्षापछि बाढी र पहिरोले ठूलो जनधनको क्षति भएको छ ।

हालसम्म डोटी र डडेल्धुरामा तीन जनाको मृत्यु भएको छ भने दुई जना बेपत्ता भएका छन् ।

बाढीका कारण सयौँ घर डुबानमा परेका छन् भने धानबाली तथा खेती नष्ट भएको छ ।