कञ्चनपुर । महाकालीको बाढीमा फसेका ५ जनाका उद्धार गरिएको छ । नेपाली सेनाको हेलिकप्टरले उनीहरुको उद्दार गरिएको हो । उनीहरु सोमबार राती देखि
कञ्चनपुरको भीमदत्त नगरपालिका ९ खल्ला मसेट्टीमा फसेका थिए ।

जिल्ला प्रहरी कार्यालय कञ्चनपुरका डिएसपी सिद्धराज न्यौपानेका अनुसार ५ जनाकै सेनाको हेलिकप्टरबाट उद्दार गरिएको हो । सवैलाई एक एक गरेर उद्दार गरिएको डिएसपी न्यौपानेलेृ सञ्चारकर्मीहरुलाई जानकारी दिए ।

कुखुराको खोर कुर्न जाँदा उनीहरु सोमबार रातिदेखि महाकालीमा बाढी बढेपछि फसेका थिए । बाढी बढ्दै गएपछि उनीहरु ज्यान जोगाउन रुखमा चढेका थिए । रुखमै चढेको अवस्थामा उनीहरुको उद्धार गरिएको डिएसपी न्यौपानेले जानकारी दिए ।