काठमाडौं । नेकपा एमालेका अध्यक्ष केपी शर्मा ओलीले माओवादी केन्द्रका अध्यक्ष पुष्पकमल दाहाल प्रचण्ड वामपन्थी नभएको आरोप लगाएका छन् । कम्युनिष्ट सरकार ढाल्ने, प्रतिक्रियावादीहरुसँग मिल्ने र सत्ताका लागि जहिल्यैपनि भागवन्डा मात्रै प्रचण्डले खोज्ने गरेको भन्दै उनी वामपन्थी नभएको टिप्पणी ओलीले गरेका हुन् ।

‘को वामपन्थी ? प्रचण्ड ? प्रतिक्रियावादीहरुसँग मिल्ने, कम्युनिष्ट सरकार ढाल्ने र सत्ताका लागि मलाई ५ ओटा मन्त्री चाहियो हजुर भन्दै हिडने पनि वामपन्थी हुन्छ र ?’ ओलीले एमालेको वागमती प्रदेश कमिटी बैठकमा प्रश्न गदैं भने,–‘मलाई ५ ओटै चाहिन्छ हजुर, हात थाप्ने । आफनो सरकार छ । उनले भनेका १० ओटा त्यही मन्त्री बनाएको भए हुन्थ्यो नी । त्यो सरकार ढालेर हिजोको यत्रो भएको प्रचण्ड चुचुचुचचु अहिले हुर्नहोस त हालत ।’

प्रचण्डसँग आन्दोलनप्रति, विचार राजनीति प्रति कतै पनि निष्ठा नरहेको भन्दै ओलीले नेताको वुद्दि विग्रियो भने प्रचण्ड र माधव नेपाल वन्ने आरोप पनि लगाए ।

‘नेताको वुद्धि विग्रियो भने प्रचण्ड माधव नेपाल हुन्छ’ ओलीले भने ।

एमालेभित्रै रहेका भीम रावल, अष्टलक्ष्मी शाक्य लगायत नेताहरुले पार्टी एकताका लागि गरेको १० वुँदे सहमतिको विषय बेला बेला उठाउने गरेको प्रति पनि ओलीले अव त्यस्तो सुनुवाई नहुने प्रष्ट पारे ।

‘आन्तरिक अनेकता होइन, एकतामा जोड दिनुपर्छ । १० बुँदे पनि धेरै रटान लगाउन आवश्यक छैन । माधव आउँछन की भनेर, पार्टी फुटाउँदैन भनेर बनाएको १० बुँदे हो,’ ओलीले भने,–‘माधव नेपालको कुरा फरक हो, तर उनीसँग गएकालाइृ फर्किन कुनै आग्रह, पूर्वाग्रह छैन । आ आफनो क्षमता र योग्यता अनुसार जिम्मेवारी फर्किएर लिए हुन्छ । तर माधव नेपाललाइ नो इन्टी ।’

ओलीले माधव नेपाललाई पछि भविश्यमा पनि एमालेभित्र ठाउँ नरहेको वताए ।‘यसमा लुकाएर कुरा गर्नुपर्ने कुनै आवश्यक छैन । नेकपा एमाले डम्पिङ साइट होइन । पवित्र पार्टी हो एमाले । कुहएिको आलुलाई राखेर
ब्याक्टेरिया फैलाएर एमाले जादैन,’ ओलीले भने,–‘केही मान्छे माधव नेपालले गर्दा विग्रिए । उनीहरुलाई फर्किन कुनै आग्रह , पूर्वाग्रह छैन । ’

ऋोलीले वामदेवले २०५४ मा एमाले फुटाएर माले बनाएको र फेरि एमाले माले एकता गरेर वामदेवलाई एमाले भित्राएको जसरी माधव नेपाललाई एमालेले पार्टीमा नभित्राउने पनि वताए ।

‘२०५४ मा बामदेवले पार्टी फुटाएपनि त्यसैगरी स–सम्मान ४ वर्षपछि फिर्ता गरेको जस्तो अहिलेको अवस्था होइन । त्यस्तो अपराध बामदेवले गरेको होइन । सरकार बामदेवले ढालेको थिएन । बामदेवले त्यस वेला गरेको काम बेठिक थियो । तर यति अपराध गरेका थिएनन,’ ओलीले भने,–‘विश्वको राजनीतिक आन्दोलनको इतिहासमा निर्लज्ज नकारात्मक चरित्रका रुपमा अहिले माधव नेपाल चिनिन थालेका छन् । ’

५५ प्रतिशत मत र सिट चाहिन्छ
ओलीले अवको चुनावमा एमालेलाई ५५ प्रतिशत मत र संसदमा ५५ प्रतिशत सिट आवश्यक रहेको बताए । स्थानिय निकायमा एमालेको गल्तीले कसैले जिते पनि अन्य कारणले अरु पार्टीले जित्नुपर्ने कारण नरहेको पन ओिलीले बताए ।

‘हाम्रो गल्तीले कोही कसैले जिते मात्र, नत्र अरुले जित्नुपर्ने कारण नै छैन । यिनीहरु गठवन्धन कायम गरुन । ५५ प्रतिशत हामी ल्याऔं, ४५ अरुले मिलेर ल्याए हुन्छ ।’ ओलीले भने ।

एमालेसँग लडन सक्दैनन, एनआरएनसँग लडिरहेका छन

ओलीले अहिलेको सरकारले चुनावमा एमालेसँग लडन नसक्ने वताए । उनले प्रतिस्पर्धामा प्रचण्ड र माधव नेपालको पार्टी रहदै नरहेको भन्दै काग्रेस केही प्रतिस्पर्धामा आउन सकेपनि एमालेसाग प्रतिस्पर्धा गर्न नसक्ने जिकिर गरे ।
ओलीले सरकार एनआरएनसँग लडिरहेको बताए ।

परराष्ट्र मन्त्रालयले काम गर्ने नसक्ने भन्दै उनले एनआरएनको चुनावमा झन सहयोगी बन्नुपर्नेमा एनआरएनको चुनाव नै रोकेर सरकार एनआरएनसँग लडिरहेको बताए ।

सरकार एमालेले चाहेमा एक सातामा ढालिदिन सक्ने

ओलीले सरकार एमालेले चाहेमा एक सातामा ढालिदिन सक्ने पनि चेतावनी दिए । ‘अहिले पनि यो सरकार ढाल्दिउँ भन्ने हो भने एक हप्तामा यो सरकार ढल्छ,’ ओलीले भने –‘यस्तै साँठगाँठ, गठबन्धन गर्ने हो भने त हामी सात दिनभित्र ढालिदिन्छौं । लोभीपापीहरू छन्, दिए भइगो नि । ढलिहाल्छ नि । दिए सिद्धिने कुरा छ त्यहाँ ।’