काठमाडौँ । नेपाली कांग्रेसका नेता मोहम्मद आफताव आलमको मुद्दामाथि सुनुवाई हुने भएको छ । पूर्व मन्त्रीसमेत रहेको उनीमाथि सुनुवाईका लागि सर्वोच्च अदालतमा शुक्रबार पेसी तोकिएको हो ।

बम बनाउने क्रममा विस्फोट हुँदा घाइते भएका दुई दर्जन व्यक्तिहरूलाई जिउँदै जलाएर हत्या गरेको आरोपमा उनी प्रहरी नियन्त्रण्मा रहँदै आएका छन् । हिरासतमा रहेका उनले जमानतमा रिहाईको माग गर्दै सर्वोच्चमा निवेदन दिएका थिए ।

शुक्रबार न्यायाधीशद्वय डा. आनन्दमोहन भट्टराई र नहकुल सुवेदीको संयुक्त इजलासमा उक्त रिट निवेदनको सुनुवाई हुने भएको हो । यसअघि पटक पटक पेसी तोकिए सुनुवाई हुन सकेको थिएन ।

आलम रौतहटबाट निर्वाचित कांग्रेस सांसद हुन् । उनी २०७६ असोज २६ मा पक्राउ परेका थिए ।

जिल्ला अदालत र उच्च अदालतले उनलाई हिरासतमा राखेर मुद्दा प्रक्रिया अघि बढाउन आदेश दिएको थियो ।