काठमाडौँ । अवैध रुपमा रकम उठाई ठगी गरेको अभियोगमा रौतहटको बौधीमाई नगरपालिका १ बस्ने दलित जनजाति उथान केन्द्र कलैया बाराका प्रोग्राम कोडिनेटर २४ वर्षीय विकेश जयसवाललाई पक्राउ परेका छन् । उनलाई नगद ६० हजार ७ सय रुपैयाँसहित प्रहरीले पक्राउ गरेको हो ।

कोरोना भाइरस (कोभिड–१९)ले पीडित भएका महिलाका लागि मानवीय सहायता स्वरुप युएनडिपीले प्रभु बैंक शाखा कार्यालय गौर रौतहटमार्फत पठाएको रकम निकाल्न आएका मानिससँग जयसवालले नगद ३ हजारभन्दा माथि अवैध रकम उठाएका थिए । ठगी गरिरहेको भन्ने सूचना प्राप्त हुनासाथ जिल्ला प्रहरी कार्यालयबाट खटिएको प्रहरीले सोही बैंकबाट उनलाई फेला पारी जाँच गर्ने क्रममा पक्राउ गरेको हो ।

उनीउपर जिल्ला अदालत रौतहटबाट म्याद थप लिई आवश्यक अनुसन्धान भइरहेको जिल्ला प्रहरी कार्यालय रौतहटले जनाएको छ ।