काठमाडौं । इटालीमा खेल्दै आएका नेपाली मूलका फुटबल खेलाडी विकास मेराग्लिया ‘ए’ डिभिजनको च्यासल युथ क्लबमा आवद्ध भएका छन् ।

क्लबले शुक्रबार आयोजना गरेको पत्रकार सम्मेलनमा विकासलाई आवद्ध गरेको जानकारी दिइएको हो ।

पत्रकार सम्मेलनमा दुई पक्षबीचको सम्झौतापछि विकासले आसन्न शहीद स्मारक ’ए डिभिजन लिग’ फुटबल च्यासल क्लबबाट खेल्ने तय भएको क्लबले जनाएको छ ।

ए डिभिजन लिग खेल्नका लागि विकास दुई दिनअघि नेपाल आएका हुन् ।

१८ वर्षीय विकासले इटालीको यु–१६ राष्ट्रिय टोली तथा एटलान्टा क्लबको युथ टिमबाट खेल्दै आएका छन् । ए डिभिजन लिग आगामी कात्तिक २९ गतेबाट सुरु हुँदैछ ।