काठमाडौं । पुनर्निर्माण प्राधिकरणले नेपालको पुनर्निर्माण मोडलको विषयमा अन्तर्राष्ट्रिय सम्मेलन गर्ने भएको छ ।

प्राधिकरणले भूकम्पपछिको पुनर्निर्माणमा नेपालले नमूना काम गरेको भन्दै सम्मेलन गर्न लागेको जनाएको हो ।

प्राधिकरणका प्रमुख कार्यकारी अधिकृत सुशील ज्ञवालीले नेपालको राजधानी काठमाडौंमा हुने अन्तर्राष्ट्रिय सम्मेलनमा पूर्वाधार निर्माण नेपालको मात्रै नभई विश्वले थाहा पाउने जानकारी दिए । सम्मेलन मंसिर २१ देखि २३ गतेसम्म हुनेछ ।

प्राधिकरणमा शुक्रबार आर्थिक पत्रकारसँगको भेटघाटमा उनले अन्तर्राष्ट्रिय क्षेत्रमा नेपाली पुनर्निर्माण मोडलको बारेमा जानकारी गराउने लक्ष्य सम्मेलनको रहेको उल्लेख गरे ।

प्राधिकरणका प्रमुख कार्यकारी अधिकृत ज्ञवालीले राजनीतिक संक्रमणकै बीचमा करिब ६ वर्षमा उत्कृष्ठ कार्य गरेको दाबी गरे ।

धरहरा, सिंहदरबारलगायत काम प्राधिकरणले गरे पनि अन्य काम हस्तान्तरण गरेको छ ।

वि.सं. २०७२ सालमा भूकम्पपछि पुस १० गते प्राधिकरण स्थापना भएको थियो । जसको कार्य समय आगामी पुष ९ गते सकिदैछ ।