काठमाडौँ । आईसीसी टी–२० विश्वकप क्रिकेटमा साविक विजेता वेस्ट इन्डिज पराजित भएको छ । गएराति यूएईमा भएको खेलमा इङ्ग्ल्यान्डले साविक विजेता वेस्ट इन्डिजलाई ६ विकेटले पराजित गरेको हो ।

वेस्ट इन्डिजले दिएको ५६ रनको सामान्य लक्ष्य इङ्ग्ल्यान्डले ८ ओभर २ बलमा ४ विकेट गुमाएर पूरा गर्यो । यसअघि टस हारेर पहिले ब्याटिङ गरेको वेस्ट इन्डिजले १४ ओभर २ बलमा अलआउट हुँदै ५५ रन बनाएको थियो । यस्तै शनिबार भएको अर्को खेलमा अष्ट्रेलियाले दक्षिण अफ्रिकालाई ५ विकेटले हराएको छ ।

१ सय १९ रनको लक्ष्य पाएको अष्ट्रेलियाले १९ ओभर ४ बलमा ५ विकेट गुमाउँदै भेट्टाएको हो । टी–२० विश्वकप क्रिकेटमा हिजोदेखि सुपर १२ का खेल सुरु भएका हुन् ।