काठमाडौँ । स्वास्थ्य तथा जनसंख्या मन्त्री विरोध खतिवडाले स्वास्थ्य बिमा प्रभावकारी बनाउने बताएका छन् । उनले स्वास्थ्य बिमा अझ प्रभावकारी बनाउन आफू लागि पर्ने बताए ।

बालबालिका लागि फाईजर र मोर्डना गरी १ करोड खोप बुकिङ गरिएको उनले जानकारी दिए । उनका अनुसार अहिले ४५ प्रतिशतले कोरोनाविरुद्धको खोप लगाएका छन् ।

उनले भने, ‘अहिले स्टक ३० लाख खोप रहेको छ । चिनियाँ परराष्ट्र मन्त्रीले २० लाख सहयोग दिने भनेका छन्, २ करोडभन्दा बढि खोपका लागि आउने पाईपलाईनमा छौँ।’ सरकारले चैत्रभित्र सवै नेपाली नागरिकलाई कोरोनाविरुद्धको खोप लगाइसक्ने बताएको छ ।