काठमाडौँ । आज २०७८ साल कार्तिक महिनाको १३ गते शनिबार । राशीअनुसार तपाईको यो साता कस्तो रहने छ ? प्रस्तुत छ साप्ताहिक राशिफल ।

मेष

यस राशीका व्यक्तिहरुलाई यो साता धेरै शुभ रहने छैन । आर्थिक कठिनाईबाट गुज्रनु पर्ने छ । मनमा बेचैनी र निराशाले घेर्ने छ । पेशागत जीवनमा भनाभन र आरोप प्रत्यारोपको सामना गर्नु पर्ने छ । जीवनसाथीको सहयोग र सद्भावले कठिन परिस्थिति सम्हाल्न ठूलो मद्दत मिल्ने छ । अन्य परिवारका सदस्यहरुका बीचमा भने बेमेलको अवस्था आउने छ ।

वृष

यस राशीका व्यक्तिहरुलाई यो साता सकारात्मक रहने छ । पेशागत जीवनमा आफ्नो भूमिकाको कदर हुनेछ । आँटेका कामहरुमा नतिजा प्राप्त हुन थाल्ने छ । थालिएका नयाँ काममा प्रगति हुने छ । मित्र बन्धुहरुसँग मिलन हुने छ । सामाजिक उत्तरदायित्व पनि थपिने छ । तर दाम्पत्य जीवनमा भने केही मधुरताको कमी हुन जाने छ ।

मिथुन

यस राशीका व्यक्तिहरुलाई यो साता मध्यम प्रकृतिको रहने छ । मनोरञ्जनात्मक गतिविधिमा मन जाने छ । रोमाण्टिकपनामा पनि निकै वृद्धि हुने छ । अम्दानीमा हुने वृद्धिसँगै खर्चको मात्रा पनि उत्तिकै बढ्न पुग्ने छ । बोली प्रभावकारी हुने हुँदा यसले पेशागत जीवनलाई मद्दत पुर्याउने छ । निर्णय प्रकृयामा भने केही गलत अवस्था आउने छ ।

कर्कट

यस राशीका व्यक्तिहरुलाई यो साता केही सुधार आउने छ । आर्थिक सन्तुलनतर्फ जाने छ । पेशागत जीवनमा पनि केही सन्तोषजनक अवस्था आउने छ । मनमा भने अझै निराशाको अवस्थाहरु कायम नै रहने छ । विशेष गरी विगतका विषयहरुले मनमा एकतमास चिन्तन ल्याइदिने छ । दाम्पत्य जीवनमा भने मधुरता कायम नै रही रहने छ ।

सिंह

यस राशीका व्यक्तिहरुलाई यो साता औसतमा सकारात्मक खालको रहने छ । आर्थिक जीवनमा सन्तुलन कायम हुने छ । पेशागत जीवनमा भने अलि प्रतिस्पर्धात्मक हिसाबले अघि बढ्नु पर्ने छ । सामाजिक काममा प्रगति हुने छ तर गरे अनुसारको कदर भने मिल्ने छैन । स्वास्थ्यसम्बन्धि समस्याहरु निराकरण तर्फ जाने छन् ।

कन्या

यस राशीका व्यक्तिहरुलाई यो साता असन्तुलित रहने छ । खासगरी स्वास्थ्य समस्याका कारण अस्पताल तथा स्वास्थ्य संस्थामा धाउनु पर्ने हुने छ । खर्च पनि बढ्ने र मानसिक रुपमा दबाबमा रहने छ । बोलीको प्रभावमा गिरावट आउने छ । कृषि कार्यमा रहेकाहरुको हकमा केही राहत मिल्ने छ । परिवारको साथले केही राहत अवश्य मिल्न जाला ।

तुला

यस राशीका व्यक्तिहरुलाई यो साता मध्यम खालको रहने छ । भोज तथा पार्टीहरुमा सहभागी हुन पाइने छ । मिठा मिठा खानेकुराको रसस्वादन मिल्ने छ । कडा शैलीको मानिस हुने हुँदा अरुले हेप्न सक्ने छैनन् । आर्थिक रुपमा सहजता उत्पन्न हुने छ । परिवारमा भने किचलो उत्पन्न हुने छ ।

वृश्चिक

यस राशीका व्यक्तिहरुलाई यो साता प्रतिकूल नै रहने छ । मुख्य गरी कूलततर्फ मन धेरै जाने भएकाले यस विषयले परिवारमा निकै तनाव निम्त्याई दिने छ । भाग्यले साथ नदिएका कारण चालिएका कदमहरुमा अवरोधहरु आउने छन् । आफन्तसँग ठिकै खालको सम्बन्धमा विश्वास गर्नु उपयुक्त हुने छ । खराब मानिसहरुको संगत त्याग्नेतर्फ दृढ निश्चयी रहनु नै उपयुक्त हुने छ ।

धनु

यस राशीका व्यक्तिहरुलाई यो सातामा केही सुधार हुने छ । जीतको अवस्थातर्फ विषयवस्तु देखिने हुनाले मनमा आँट र भरोषा उत्पन्न हुने छ । उल्झनहरु समाधानतर्फ जाने संकेत मिल्ने छ । परिवारका सदस्यहरुको विश्वास भने पुनः आर्जन हुन सक्ने छैन । आर्थिक दबाब सृजना भए पनि आफन्तको साथमा उपाय सुल्झने छ । पेशागत जीवनमा अन्योलता कायम नै रहने छ ।

मकर

यस राशीका व्यक्तिहरुलाई यो साता सकारात्मक नै रहने छ । पेशागत जीवनमा उचाईहरु देखा पर्ने छ । सृजनशिल कार्यहरु हुने छन् । पुरस्कार तथा कदरहरु प्राप्त हुने योग रहेको छ । आर्थिक रुपमा दृढता बढ्ने छ । परिवारमा शान्ति र कदर हुने छ । व्यावसायिक गतिविधिप्रति भने धेरै उत्साह रहने छैन । स्वास्थ्यमा समस्या देखा पर्ने छ ।

कुम्भ

यस राशीका व्यक्तिहरुलाई यो साता सकारात्मक बन्न सक्ने छैन । पारिवारिक किचलोका कारण मानसिक दबाब सृजना हुने छ । पेशागत जीवन भने सन्तुलित नै रहने छ । आम्दानीमा झिनो वृद्धि हुने छ भने भविष्यमा हुने कार्यहरुका बारेमा केही प्रगति हुन जाने छ । अनावश्यक विषयका तनावले गर्दा मानसिक रुपमा दबाब खेप्नु पर्ने छ ।

मीन

यस राशीका व्यक्तिहरुलाई यो साता औसत खालको रहने छ । जोखिमले भरिएका कामहरु गर्न मन लाग्ने छ । र, ती कामहरु सकारात्मक पनि बन्ने छ । आर्थिक कमाईमा वृद्धि हुने छ । बोलीको प्रभाव बढ्ने भएता पनि रिस कडा हुँदा अरुको मूल्यांकन गलत हुने छ । मित्रतामा तिक्तता आउने भएकाले संयमित रही व्यावहार गर्नु नै उपयुक्त हुने छ । प्रशासनिक झमेला व्योहर्नु पर्ने छ ।

(गुरु दिवाकर पन्त– ज्योतिषी, वास्तुविद्, रत्नविद् एवं हस्तरेखाविद् हुन्)