कैलाली । कैलाली प्रहरीले धारिलो हतियार (चक्कु) प्रहार गरी हत्या गरेको आरोपमा एक जनालाई पक्राउ परेको छ । जिल्लाको भजनी नगरपालिका ३ ठेकीपुरका १८ वर्षीय किरण साउदलाई प्रहरीले पक्राउ गरेको हो ।

किरण र टीकापुर नगरपालिका ८ कालीमाटीका १८ वर्षकै अनुप साउदबीच सोही स्थानमा झगडा हुँदा किरणले अनुपलाई चक्कु प्रहार गरी घाइते बनाएको इलाका प्रहरी कार्यालय टिकापुरले जनाएको छ ।

घाइते साउदको टीकापुर अस्पतालमा उपचारकै क्रममा मृत्यु भएको थियो । घटनामा संलग्न किरणलाई पक्राउ गरी थप अनुसन्धान कार्य भइरहेको प्रहरीले जनाएको छ ।