काठमाडौँ । सीता एयरको जहाज नेपालगञ्ज विमानस्थलमा बँदेलसँग ठोकिएर दुर्घटना भएको छ । मंगलबार बिहान नेपालगञ्जबाट हुम्लाको सिमिकोट उड्न लागेको जहाज धावनमार्गमा गुड्दै गर्दा बँदेलसँग ठोकिएर दुर्घटना भएको हो ।

दुर्घटनाबाट जहाजको अगाडिपट्टीको नोजल ल्यान्डिङ गियर भाँचिएको बताइएको छ । दुर्घटनाबाट कुनै मानवीय क्षति नभएको विमानस्थल स्रोतले जनाएको छ । विमानमा चालकदलसहित १४ जना यात्रु र करिव ९० केजी कार्गो रहेको थियो ।