काठमाण्डौँ । बंगलादेशको नम्बर १ मोबाइल ब्राण्ड सिम्फोनीका मोबाइलहरु नेपाली बजारमा औपचारिक रुपमा उपलब्ध भएका छन् ।

नेपालको लागि सिम्फोनी मोबाइलको आधिकारीक आयातकर्ता तथा बितरक एपेक्स समुहले तिहारको उपलक्ष्यमा नेपालभर मोबाइल फोन उपलब्ध भएको जानकारी दिएको छ ।

कम्पनीकाअनुसार पहिलो चरणमा तीनवटा स्मार्टफोन मोडलहरु आई ३२, एटम टू र जेड ३३ स्मार्टफोनहरु नेपाली बजारमा भित्र्याईएको छ । जसमा सिम्फोनी आई ३२ को बजार मूल्य ८,३३९ रुपैयाँ तोकिएको छ भने एटम टूको बजार मूल्य ११,२२९ रहेको छ । त्यसैगरि सिम्फोनी जेड३३ स्मार्टफोनको मूल्य १३,४८९ रुपैयाँ रहेको छ ।

एपेक्स ग्रुपका सेल्स एण्ड मार्केटिङ हेड अशोक गौतमले नेपाली ग्राहकहरुलाई सस्तो मूल्यमा अधिक फिचर र सुबिधाहरु भएका फोन उपलब्ध गराउने उद्धेश्यले सिम्फोनी मोबाइल बजारमा आएको जानकारी दिए ।