काठमाडौँ । नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरी आगामी ३ वर्षका लागि सम्झौता पत्रमा हस्ताक्षर गरेका छन् । उनी अब सन् २०२४ सम्म नेपाली राष्ट्रिय टोलीको मुख्य प्रशिक्षक हुने भएका हुन् ।

गत शनिबार नेपाल आइपुगेका अल्मुलाइरीले नेपाली फुटबल टोलीलाई पहिलोपटक साफ च्याम्पियनसिपको फाइनलमा पुर्याएका थिए । प्रतियोगिता सकिएपछि आफ्नै देश कतार पुगेका उनको नयाँ सम्झौता २०२४ को अन्त्यसम्म कायम रहने छ ।

माल्दिभ्समा भएको साफ च्याम्पियनसिपको फाइनल खेलअघि अम्मुताइरीले नेपाल नफिर्किने भन्दै घोषणा गरेका थिए । तर, अखिल नेपाल फुटबल संघ (एन्फा)का अध्यक्ष कर्माछिरिङ शेर्पा कतार पुगेर भेटेर साथै कतार फुटबल एशोसिएसनसँग छलफल गरेसँगै अम्मुताइरी नयाँ सम्झौताका लागि सहमत भएका हुन् ।

अल्मुताइरीले मिलेर फुटबल विकासमा काम गर्ने भन्दै आफ्नो व्यक्तिगत जीवनलाई लिएर टीका टिप्पणी नगर्न आग्रह गरे ।