काठमाडौँ । नेपाल सरकारले तीन वटा प्रदेश प्रमुख फेरबदल गरेको छ । सरकारले प्रदेश १, कर्णाली प्रदेश र सुदूरपश्चिम प्रदेशका प्रदेश प्रमुख फेरेको हो ।

सरकारले प्रदेश १ को प्रमुखमा परशुराम खापुङ, कर्णाली प्रदेशमा तिलक परियार र सुदूरपश्चिममा देवराज जोशीलाई नियुक्त गर्नका लागि राष्ट्रपतिसमक्ष सिफारिस गरेको छ । सोमबार बसेको मन्त्रिपरिषद् बैठकले तीन प्रदेशका प्रदेश प्रमुख परिवर्तन गर्ने निर्णय गरेको थियो ।

यसअघि नेकपा एमालेका अध्यक्ष केपी शर्मा ओली नेतृत्वमा रहेका प्रदेश प्रमुखलाई हटाएर गठबन्धन सरकारले नयाँ प्रदेश प्रमुख नियुक्त गरेको हो ।

प्रदेश १ मा सोमनाथ अधिकारी, कर्णालीमा गोविन्दप्रसाद कलौनी र सुदूपश्चिममा गंगाप्रसाद यादव प्रदेश प्रमुख थिए ।

सरकार परिवर्तन पछि प्रदेश प्रमुख फेर्ने सस्कार नेपालमा विकास भएको छ । आफु अनुकुल हुने गरी अघिल्लो सरकारले वेला वेला प्रदेश प्रमुख हेरफेर गर्ने सस्कार वसाएपछि देउवा सरकारले पनि त्यसैलाइ अनुशरण गदै प्रदेशका प्रमुखहरुलाई हेरफेर गरेको हो । यो सँगै देउवा प्रधानमन्त्री आएपछि सात ओटै प्रदेशका प्रमुख फेरिएका छन् । फेरिएका प्रदेश प्रमुखमा सत्ता गठवन्धन दललाई दलगत आधारमा भागवन्डा लगाएर फेरिएको छ ।

अहिले फेरिएका तीन प्रदेश प्रमुखमध्ये प्रदेश १ मा जनता समाजवादी, कर्णाली प्रदेशमा माओवादी र सुदुरपश्चिममा काग्रेसले भागवन्डा गरेर लिएका छन् । यस अगाडी प्रदेश २ मा कांग्रेस, वागमतिमा नेकपा एकीकृत समाजवादी, गण्डकीमा कांग्रेस र लुम्विनीमा माओवादी केन्द्ले प्रदेश प्रमुख भागवन्डा लगाएर लिएका थिए ।