काठमाडौँ । नेपाल बार एशोसिएसनले प्रधानन्यायाधीश चोलेन्द्र शम्सेर जबरालाई सर्वोच्च अदालत प्रवेशमा रोक लगाउने भएको छ । बारले शुक्रबार प्रधानन्यायाधीश जबरालाई सर्वोच्च अदालत प्रवेशमा रोक लगाउने भएको हो । बिहीबार बारेको शान्तिपूर्ण आन्दोलनमा बल प्रयोग गरेको विरोधमा जबरालाई सर्वोच्च प्रवेशमा निषेध गर्ने आन्दोलनको कार्यक्रम घोषणा गरेको छ ।

आज सर्वोच्च अदालतको मूलगेटमा धर्ना बस्ने र जबरालाई सर्वोच्च अदालतमा छिर्न नदिने बारले जनाएको छ । प्रधानन्यायाधीश जबराको राजीनामा माग्दै बारको नेतृत्वमा कानुन व्यवसायीहरुले सर्वोच्च अदालतमा प्रदर्शन गर्दै आएका छन् । बिहीबारको प्रदर्शनमा प्रहरीले बल प्रयोग गर्दा ६ जना कानुन व्यवसायीहरु घाइते भएका थिए ।

प्रहरीले गरेको बल प्रयोगको विरोधमा कानून व्यवसायीहरुले जबरालाई सर्वोच्च अदालतमा प्रवेश निषेध गर्ने बताएका थिए । तर, प्रहरीले भने सुरक्षा व्यवस्था कडा पारेको छ । प्रहरीले कानून व्यवसायीलाई धर्नामा बस्ने नदिने बताइएको छ ।