काठमाडौं । नेपाली कांग्रेसको १४ औं महाधिवेशन नजिकिँदै गर्दा सामाजिक सञ्जालका भित्ताहरु रंगिएका छन् ।

वडादेखि स्थानीय तहसम्मको निर्वाचन सम्पन्न गरिसकेको कांग्रेसले आगामी मंसिर २४, २५ र २६ गते काठमाडौंमा महाधिवेशन गर्दैछ ।

पछिल्लो पटक गत कात्तिक ११ गते बसेको नेपाली कांग्रेस केन्द्रीय निर्वाचन समितिको बैठकले आगामी मंसिर २४ गतेका लागि केन्द्रीय महाधिवेशनको मिति तय गरेको छ ।

निर्वाचन तालिकाअनुसार मंसिर १६ र १७ गते प्रदेश अधिवेशन गरिँदैछ ।

मंसिरको पहिलो साता नै कांग्रेसको प्रदेशसभा क्षेत्रीय अधिवेशन तथा प्रतिनिधिनिसभा क्षेत्रीय अधिवेशन तथा जिल्ला अधिवेशनहरु हुँदैछन् ।

अधिकांश जिल्लाका स्थानीय तहहरुको निर्वाचन भने सम्पन्न भइसकेका छन् । प्रदेशसभा तथा प्रतिनिधिसभा क्षेत्रीय अधिवेशन र जिल्ला अधिवेशन नजिकिएसँगै कांग्रेस कार्यकर्ताहरुले सामाजिक सञ्जालहरुबाटै भोट मागिरहेका छन् ।

पार्टीको केन्द्रीय महाधिवेशन प्रतिनधिदेखि जिल्लाको विभिन्न पदमा उम्मेदवारी घोषणा गर्दै कांग्रेस कार्यकर्ताहरुले सामाजिक सञ्जालका भित्ताहरु रंगाएका छन् ।

आइतबार मात्रै कांग्रेसले केन्द्रीय महाधिवेशन र सातै प्रदेश अधिवेशन तयारीका लागि समितिहरू गठन गरेको छ ।

केन्द्रीय कार्यसमितिको आइतबारको बैठकले सभापति शेरबहादुर देउवा संयोजकत्वमा मूल आयोजक समिति, ज्ञानेन्द्रबहादुर कार्कीको संयोजकत्वमा अर्थ समिति गठन गरेको छ ।

निर्वाचन तालिका