काठमाडौं । रोजगार अनुमति प्रणाली (ईपीएस) अन्तर्गत रोजगारीका लागि दक्षिण कोरिया जानेहरूका लागि सन् २०२१ को भाषा परीक्षा पुस १ गतेदेखि हुने भएको छ ।

बैदेशिक रोजगार बिभाग ईपीएस शाखा कार्यालयकाअनुसार यो वर्ष विशेष कम्प्युटर प्रणालीबाट परीक्षा लिइने भएको छ ।

वैधानिक तवरले फर्केका कामदारलाई पुनः पठाउन कम्प्युटरमा आधारित विशेष परीक्षा सञ्चालन गर्नेबारे दक्षिण कोरियाको मानव संसाधन विभागसँग सहमति भएको इपीएस शाखाले जनाएको छ ।

पुस १ देखि ७ गतेसम्म भाषा परीक्षा सञ्चालन गर्न लागिएको ईपीएस शाखा कार्यालयका निर्देशक सुरेश रावतले जानकारी दिए ।
कोरोना महामारीले कोरिया पठाउने प्रक्रिया दुई वर्षदेखि अवरुद्ध भएको थियो ।

दक्षिण कोरियाले सन् २००८ देखि इपीएस भाषा परीक्षा लिएर नेपाली कामदार लैजाँदै आएको छ ।