काठमाडौं । नेपालभित्र अमेरिकी सहयोग नियोग मिलेनियम च्यालेन्ज कर्पाेरेसनको अनुदान सम्झौता विवादमा परिरहेका बेला अमेरिकाका उच्च्पदस्थ अधिकारीहरुको नेपाल भ्रमण वाक्लो हुन थालेको छ ।

एक महिनाअघि मात्रै मिलेनियम च्यालेन्ज कर्पोरेसन (एमसीसी) की उपाध्यक्ष फातिमा सुमार नेतृत्वको टोली नेपाल भ्रमण गरेर फर्केपछि फेरि अहिले अमेरिकाका उच्च पदस्थ अधिकारीहरु नेपाल भ्रमणमा छन् ।

दक्षिण तथा मध्य एसियाली मामिला हेर्ने अमेरिकी सहायक विदेशमन्त्री डोनाल्ड लु तीनदिने नेपाल भ्रमणका लागि बुधबार साँझ काठमाडौं आइपुगिसकेका छन् । त्यस्तै उपसहायकमन्त्री केल्ली किडरलिङ पनि (आज) बिहीबार नेपाल आउन लागेकी छिन् ।

दुई ठूला मुलुकहरु उत्तरमा चीन र दक्षिणमा भारतको वीचमा रहेको अति सामारिक महत्वको क्षेत्र नेपालमा अहिले अमेरिकीहरुको सिधा चासो देखिन थालेको छ । त्यही भएर पनि लामो समय देखि विवादमा रहेपनि एमसीसी सम्झौता सदनवाट अनुमोदनको पखाईमा अमेरिका वसेको छ । त्यसका लागि यसको पक्षधर पार्टी र तिनका नेतामार्फत लविङ गर्ने र अन्य राजनीतिक दल र तिनका पार्टीका शीर्ष नेताहरुमाथी दवाव वढाउने रणनीतिमा अमेरिकाको वाइडेन प्रशासन यतिवगेला लागेको छ ।

अमेरिकाको चीनसँगको सम्वनधमा खटपट चलिरहँदा उसले नेपालमाथी चासो देखाउदै आईरहेको छ ।

त्यही कारण पनि नेपालको भूमिवाट चीन घेर्ने रणनीतिक योजनामा पछिल्लो पटक अमेरिका लागेको आरोप पनि उसमाथी लाग्दै आएको छ । सोही कारण उसका अनुदान सहयोगका परियोजनाभित्र स्वार्थ बाँझिएको आरोप लागेको छ । एमसीसी परियोजना पनि सोही कारण नेपालमा विवादित बनेको छ ।

ऊर्जा पूर्वाधार तथा सडक स्तरोन्नतिका लागि अमेरिकाले ५० करोड अर्थात् करिब ५७ अर्ब रुपैयाँ र नेपालको १३ करोड डलर अर्थात् १५ अर्ब ९६ करोड रुपैयाँ राखेर ५ वर्षभित्र निर्माण सम्पन्न गर्ने गरी कम्प्याक्ट नामक सहयोगमा २०७४ भदौ २९ गते एकसीसी परियोजनामा नेपाल र अमेरिकाका वीचमा सम्झौता भएको थियो । सम्झौता अनुसार यसलाई संसदवाट अनुमोदन गराउन पर्ने पूर्व शर्त अमेरिकी पक्षले राखेपछि केपी ओली नेतृत्वको सरकारले २०७५ असार ३० मा सदनवाट अनुमोदनका लागि प्रस्ताव संसदमा दर्ता गराएको थियो ।

तर माओवादी लगायत राजनीतिक दलको विरोधका कारण संसदमा यो टेवुल हुन नसकी अड्किराखेको छ ।

यस्तो वेला अमेरिकी उच्च पदस्गथ अधिकारीहरुको नेपालमा हुन थालेको भ्रमण र भ्रमणका क्रममा नेपालका राजनीतिक दलका नेताहरुसँगको बाक्लो भेटघाटलाई निक्कै अर्थपूर्ण रुपमा हेरिएको छ ।

वुधबार नै नेपाल आईपुगेका दक्षिण तथा मध्य एसियाली मामिला हेर्ने अमेरिकी सहायक विदेशमन्त्री डोनाल्ड लु ले प्रधानमन्त्री तथा कांग्रेस सभापति शेरबहादुर देउवासँग आज सँझ भेटवार्ता गर्ने कार्यक्रम तय भएको छ । उनले आज विहान लूले त्रिवि शिक्षण अस्पतालमा जारी कोभिड-१९ विरुद्धको खोप अभियानको अवलोकन पनि गरेका छन् ।

उनले परराष्ट्रमन्त्री नारायण खड्का, रक्षामन्त्री मीनेन्द्र रिजाल, गृहमन्त्री बालकृष्ण खाँण, स्वास्थ्यमन्त्री विरोध खतिवडासँग भोलि दिउँसो सिंहदरबारमा भेटवार्ता गर्ने कार्यक्रम छ । यस्तै विभिन्न दलका शीर्ष नेताहरूसँग पनि सिंहदरबारमै भेटवार्ता गर्ने तयारी उनको छ ।

त्यस्तै, आज काठमाडौं आईपुग्ने उपसहायकमन्त्री किडरलिङले पनि आफ्नो तीनदिने भ्रमणका दौरान नेपाली अधिकारी र नागरिक समाजका अगुवासँग भेटघाट गर्ने कार्यक्रम रहेको काठमाडौंस्थित अमेरिकी दूतावासले जनाएको छ ।

अमेरिकी दूतावासले बुधबार विज्ञप्ति जारी गर्दै अमेरिका र नेपालबीच कूटनीतिक सम्बन्ध स्थापित भएको ७५ वर्ष पुग्नु ठीक अगाडि लु र किडरलिङको भ्रमण हुन लागेको बताएको छ । अमेरिकी उच्च् अधिकारीहरुले ‘कोभिड–१९, जलवायु परिवर्तन र लोकतन्त्रको सबलीकरण जस्ता राष्ट्रपति बाइडेनका उच्च प्राथमिकतामा रहेका चुनौतीलाई सम्बोधन गरर्ने अमेरिकी दुतावासको विज्ञेप्तीमा उल्लेख छ ।