काठमाडौँ । नेकपा एमालेका अध्यक्ष केपी शर्मा ओलीले महाधिवेशनमा ५ लाख जति जनसहभागिता परिचालन गरिने बताएका छन् । मंगलबार सम्पादकहरूसँग अन्तरक्रिया गर्दै उनले महाधिवेशनमा सवारी साधनले बोक्न सक्ने जति मानिस सहभागी हुने बताए ।

ओलीले महाधिवेशनमा १०/२० लाख जनसहभागिता जुटाउन सकिने भए पनि सवारी साधनको क्षमताले भ्याएसम्म मात्र चितवनमा मानिस उपस्थित हुने बताए । उनले भने, नेपालका सवारी साधनले बोक्न सक्ने मानिस सहभागी हुनेछन् । ठुला सवारी साधन, लामो दुरीका सवारी साधनले बोक्न सक्नेसम्मको मानिस महाधिवेशनमा सहभागी हुन्छन् ।’ उनले न्यूनतम् ५ लाख कार्यकर्ता उपस्थित हुने अपेक्षा गरेको बताए ।