काठमाडौं । नेपाली कांग्रेस कञ्चनपुरका स्थपित नेता रमेश लेखक कांग्रेस संस्थापन पक्षका नेता हुन् ।

संस्थापन पक्षकै भए पनि उनी आफ्नै पक्षका केही नेताहरुलाई हराउन निकै कस्सिएर लागे । ती मध्येका एक हुन्– कांग्रेस सभापति शेरबहादुर देउवाका भाइ लोकबहादुर देउवा । तर लेखकको मेहनत भने काम लागेन । नतिजा उल्टो निस्कियो ।

लोकबहादुर कांग्रेस महाधिवेशन प्रतिनिधिमा उम्मेदवार थिए । उनले अप्रत्याशित मत पाए ।

कञ्चनपुरबाट लोकबहादुर देउवा महाधिवेशन प्रतिनिधिमा निर्वाचित भएका छन् । उनी प्रधानमन्त्री एवम् नेपाली कांग्रेसका सभापति शेरबहादुर देउवाका सहोदर भाइ हुन् ।

निर्वाचन क्षेत्र नम्बर २ बाट खुलातर्फ महाधिवेशन प्रतिनिधिका उम्मेदवार बनेका देउवाले ३ सय ४ मत पाए । लोकबहादुर प्रधानमन्त्रीका प्रमुख स्वकीय सचिव भानु देउवाका बुवा हुन् । उनी एनपी साउद निकट मानिन्छन् ।