काठमाडौं । नेपाली कांग्रेसका सांसद दिव्यमणी राजभण्डारी १४ औं महाधिवेशनमा महाधिवेशन प्रतिनिधि भएका छन् । राजभण्डारी काठमाडौं निर्वाचन क्षेत्र नम्बर ४ बाट महाधिवेशन प्रतिनिधिमा निर्वाचित भएका हुन् ।

आदिवासी जनजाति नेता राजभण्डारी सबैभन्दा बढी २२३ मत ल्याएर विजयी भएका हुन् । उनी राणाशासन विरुद्धको आन्दोलनदेखि निरन्तर रुपमा सक्रिय कांग्रेसको पुरानो परिवारका सदस्य हुन् । राजभण्डारी कांग्रेसको आर्थिक व्यवस्थापन समितिका सल्लाहकार पनि हुन । राजभण्डारी समाजसेवामा समेत उत्तिकै सक्रिय छन् ।