काठमाडौं । काभ्रेली ‘डन’ भनेर परिचित गणेश लामा नेपाली कांग्रेसको महाधिवेशन प्रतिनिधिमा निर्वाचित भएका छन् ।

काभ्रे प्रतिनिधिसभा क्षेत्र नम्बर १ बाट उनी महाधिवेशन प्रतिनिधि निर्वाचित भएका हुन् ।

उनले आफू महाधिवेशन प्रतिनिधि जितेको सामाजिक सञ्जालमार्फत सार्वजनिक गरेका छन् ।

कांग्रेस उपसभापति विजयकुमार गच्छदारनिकट मानिने लामा गच्छदार नेपाल लोकतान्त्रिक फोरमको अध्यक्ष हुँदा लामा उक्त पार्टीको केन्द्रीय सदस्य रहेका थिए । गच्छदारको पार्टी २०७४ मा कांग्रेसमा बिलिन भएको थियो ।

पछिल्लो समय नेकपा एमालेमा विभाजन आएसँगै गण्डकी प्रदेशमा नयाँ सरकार गठन प्रक्रिया अघि बढ्दै गर्दा लामाले पोखरा पुगेर भूमिका खेलेका थिए ।