काठमाडौं । नेकपा माओवादी छाडेका बालकृष्ण ढुंगेल नेकपा एमालेको महाधिवेशन प्रतिनिधि चयन भएका छन् ।
पहिलो संविधानसभामा माओवादीबाट सभासद भएका ढुंगेललाई २०६६ सालमा सर्वोच्च अदालतले ओखलढुंगाका उज्जनकुमार श्रेष्ठको हत्या अभियोगमा सर्वस्वसहित जन्मकैद सजाय दिएको थियो ।
जिल्ला अदालत ओखलढुंगाको फैसलाका आधारमा साढे सात वर्ष जेल बसेपछि ढुंगेलले पुनरावेदनबाट सफाइ पाएका थिए । सफाइ पाएर जेलमुक्त भएकैबेला उनी सभासद चुनिएका थिए ।
राष्ट्रपतिले सिफारिस स्वीकृत गरेपछि उनी २०७५ जेठ १५ गते गणतन्त्र दिवसका दिन डिल्लीबजार कारागारबाट जेलमुक्त भएका थिए ।