काठमाडौँ । सर्वोच्च अदालतमा १५ मंसिरबाट गोलाप्रथा लागू हुने भएको छ । सर्वोच्चको निर्णय अनुसार १५ मंसिरबाट गोलाप्रथाबाट मुद्दाको पेसी तोकिने छ । बिहीबार बसेको सर्वोच्च अदालको फुलकोर्ट बैठकले १५ मंसिरबाट गोलाप्रथाबाट मुद्दाको पेसी तोक्ने निर्णय गरेको हो ।

सोमबार गोलाप्रथासम्बन्धी नियमावली राजपत्रमा प्रकाशित भएको थियो । आज बसेको फुलकोर्ट बैठकले त्यसलाई कार्यान्वयन गर्ने गरी निर्णय भएको हो । गोलाप्रथाबाट पेसी तोक्न प्रधानन्यायाधीश चोलेन्द्र शमशेर जबरा सहमत भएपछि १९ जना न्यायाधीश इजलासमा फर्किएका थिए ।

गोला प्रक्रियाबाट मुद्दाको पेसी तोकी सुनुवाइ गर्नुपर्ने माग सर्वोच्चका न्यायाधीश र नेपाल बार एशोसिएशनको पनि थियो । उक्त माग पूरा हुने भएको छ ।

गोला प्रक्रियाबाट मुद्दाको पेसी तोकी सुनुवाइ गर्नुपर्ने माग सर्वोच्चका न्यायाधीश र नेपाल बार एशोसिएशनको पनि थियो । उक्त माग पूरा हुने भएको छ ।

सर्वोच्चमा गत कात्तिक ८ गतेदेखि मुद्दाको सुनुवाइ हुनसकेको छैन । बिचबिचमा बन्दीको मुद्दामा मात्र सुनुवाइ भएको थियो । पछिल्लो समयमा केही अन्य मुद्दामा पनि सुनुवाइ भएको छ । अदालतमा मुद्दाको चापअनुसार नियमति रुपमा बेञ्च बस्न नसक्दा न्यायका पर्खाइमा बसेका सेवाग्राही मर्कामा परेका छन् ।