काठमाडौँ । नेकपा एमालेको १० औँ महाधिवेशनबाट नेतृत्व चयन गर्न शनिबार बन्दसत्र सुरु हुने भएको छ । चितवनको नारायणी नदी किनारमा शुक्रबारदेखि सुरु भएको महाधिवेशनको दोस्रो दिन आज बन्दसत्र हुने भएको हो ।

सौराहास्थित होटल सेभेन स्टारमा बन्दसत्र सुरु हुन लागेको हो । आज बिहान १० बजेदेखि बन्दसत्र सुरु हुने भएको छ । बन्दसत्र हुने स्थलमा बिहानैदेखि एमालेका नेता तथा कार्यकर्ता उपस्थित हुन थालेका छन् ।

बन्दसत्रमा अध्यक्ष केपी शर्मा ओली तथा विदेशी पाहुनाहरूले सम्बोधन गर्ने भएका छन् ।