चितवन । नेकपा एमालेका कार्यालय सचिव शेरबहादुर तामाङले पार्टी नेतृत्व सहमतिमै चयन हुने बताएका छन् ।
सहमतिमै नेतृत्व चयन भइ तोकिएकै मितिमा भोलि नै महाधिवेशन सकिने दाबी गरे । शुक्रबार चितवनको सौराहामा शुरु भएको महाधिवेशन आइतबारसम्मका लागि तय गरिएकोछ ।
महाधिवेशनको बन्दसत्र शनिवार दिउँसोबाट शुरु भएको छ । महाधिवेशनको निर्वाचन प्रक्रिया पनि शनिवार नै शुरु हुने कार्यक्रम भए पनि पार्टी अध्यक्ष केपी शर्मा ओलीको लामो सम्बोधनले निर्वाचन प्रक्रिया शुरु भएको छैन ।
एमालेको पदाधिकारीमै नेताहरुबीच रस्साकस्सी चलिरहेकाबेला कार्यालय सचिव तामाङले सहमतिबाट नेतृत्व चयन भई आइतबार नै महाधिवेशन सकिने बताएका छन् ।
महाधिवेशनको बन्दसत्रमा सम्बोधन गर्ने क्रममा ओलीले पनि सहमतिमा जोड दिएका छन् ।