काठमाडौं । नेपाली कांग्रेसको केन्द्रीय निर्वाचन समितिको संयोजकमा गोपालकृष्ण घिमिरे तोकिएका छन् । यसअघिका संयोजक महादेवप्रसाद यादवले संयोजक पदबाट राजीनामा दिएपछि सभापति शेरबहादुर देउवाले घिमिरेलाई संयोजक तोकेका हुन् ।

डडेल्धुराको अधिवेशन विबाद बढेपछि यादवले राजीनामा दिएका थिए । डडेल्धुरामा निवर्तमान जिल्ला सभापति कर्ण मल्ल समूहको बहिष्कारकै बीचमा जिल्ला अधिवेशन सम्पन्न भएको छ ।

भने मल्ल समूहले उक्त अधिवेशन मान्य नभएको भन्दै पुन अधिवेशन गराउन दबाब दिएर मंसिर १ गतेदेखि सानेपा केन्द्रिय कार्यालयमा रिलेअनसन सुरु गरेका थिए ।