काठमाडौँ । नेकपा एमालेको जारी १० औँ महाधिवेशनमा सहभागी दुर्गा प्रसाईंले पार्टी उपाध्यक्ष भिम रावलले ‘सेफ ल्याण्डिङ’ गर्नु पर्ने बताएका छन् । पत्रकारसँग कुरा गर्दै उनले उपाध्यक्ष रावललाई अध्यक्ष पदमा उम्मेदवारी नदिन सबैले आग्रह गर्नु पर्ने बताए ।

‘उहाँ (रावल) अहिले टावरविहीन हुनु भएर आकाशमा घुमिरहनु भएको छ, त्यसलाई सेफ ल्याण्डिङ गर्ने हो क्या,’ उनले भने, ‘उहाँलाई सबै कार्यकर्ताले भन्नु पर्यो यस्तो नगर, पार्टीको आवश्यकता हो भने उहाँ उठ्दा हुन्थ्यो, तर यहाँ देशको आवश्यकता छ क्या, देशले केपी ओलीलाई खोजेको छ ।’

उनले देशको आवश्यक एमाले र केपी ओली भएको जिकिर गरे । पत्रकारले केपी ओलीको नेतृत्व एमालेमा कहिलेसम्म भन्ने प्रश्नमा उनले भने, ‘उहाँ (केपी ओली) बाँचुञ्जेलसम्म एमालेको नेतृत्वमा बस्नु हुन्छ, त्यसपछि हामी जस्तोले नेतृत्व गर्ने हो ।’