चितवन । नेकपा एमालेको १० औं राष्टिय महाधिवेशनको बन्दशत्रको दोस्रो सेसन वल्ल शुरु हुने तयारी भएको छ । निर्धारित समयभन्दा १२ घण्टा ढिलो गरेर मध्यरात १० वजे वल्ल महाधिवेशनको दोस्रो सेसन शुरु हुन लागेको हो ।

चितवनको सौराहामा जारी एमाले राष्ट्रिय महाधिवेशनको बन्दसत्र स्थलमा अध्यक्ष केपी ओली अवको नयाँ नेतृत्वको दिनभर गृहकार्य गरी तयार पारेको नामावलीको रोष्टर बोकेर पुगेपछि अध्यक्ष मण्डलको बैठक सुरु भएको छ । पार्टी अध्यक्ष केपी शर्मा ओली बन्दसत्र स्थलमा प्रवेश गरेसँगै अध्यक्षमण्डलको बैठक सुरु भएको हो ।

महाधिवेशनको अध्यक्षमण्डलमा अध्यक्ष ओली, उपाध्यक्षहरू भीम रावल, युवराज ज्ञवाली र अष्टलक्ष्मी शाक्य सदस्य रहनुभएको छ । त्यस्तै महासचिव ईश्वर पोखरेल, संसदीय दलका उपनेता सुवास नेम्वाङ र स्थायी कमिटी सदस्य रामबहादुर थापा ‘बादल’ छन् । त्यसैगरी स्थायी कमिटी सदस्यहरू टोपबहादुर रायमाझी, छविलाल विश्वकर्मा र लालबाबु पण्डित पनि अध्यक्षमण्डलमा छन् ।

अध्यक्षमण्डलको बैठकपछि बन्दसत्र सुरु हुने बताइएको छ । बैठकले पदाधिकारी र केन्द्रिय सदस्यको नाममा सहमति गर्ने र आजै घोषणा गर्ने तयारी छ । वन्दशत्र कसरी चलाउने भन्नेमा अध्यक्षमण्डलमा अहिले छलफल भईरहेको एमाले केन्द्रीय कार्यालयका सचिव शेरवहादुर तामाडले जानकारी दिए ।