चितवन । नेकपा एमालेमा सर्वसम्मत अध्यक्ष हुने केपी ओलीको चाहनामा व्रेक लागेको छ । वन्दशत्रवाट आफैले पदाधिकारी र केन्द्रीय सदस्य छान्ने गरी सर्वाधिकार लिँदा र आइतबार दिनभर उनले सहमतिमा केन्द्रीय सदस्य चयनको लागि होमवर्क गर्दा समेत सफल नभएपछि अध्यक्षमा सोमबार विहान मतदान हुन लागेको हो ।

अध्यक्षमा ओलीसँग उपाध्यक्ष रहेका भीम रावलले प्रतिस्पर्धा गर्न लागेका हुन् ।

ओलीले आफुलाई अध्यक्ष र वरिष्ठ उपाध्यक्षमा इश्वर पोखरेल महासचिवमा शंकर पोखरेलको नाम सहितको प्रस्ताव ल्याएका थिए । तर रावलले त्यसमा सहमति जनाएनन । उनले आफु प्रतिस्पर्धामै जान चाहेको अध्यक्ष मण्डलको बैठक मा बताएपछि अध्यक्षमा चुनाव हुन लागेको हो । उनले भने-  मैले सुरुबाट नै अध्यक्षका लागि दावी गर्दै आएको छु । अध्यक्षका लागि मनोनयन दिएको छु । अव निर्वाचन मण्डलले कतिबेला समय तोक्छ त्यती बेला नै दर्ता हुन्छ ।

रातभर चुनावी प्रक्रिया पूरा गरेर सोमबार विहान ९ वजे देखि ४ वजेसम्म मतदान गर्ने गरी निर्वाचन आयोगले मतदानको कार्यतालिका बनाईसकेको छ ।