काठमाडौं । नेपाली कांग्रेसका युवा नेता आनन्दराज त्रिपाठीले १४ औँ महाधिवेशनमा केन्द्रीय सदस्यमा उम्मेदवारी दिने घोषणा गरेका छन् ।

तनहुँबाट महाधिवेशन प्रतिनिधि बनेका उनले बुधबार खुलातर्फ केन्द्रीय सदस्य पदमा उम्मेदवारी दिने घोषणा गरेका हुन् । नेविसंघका पूर्व महामन्त्रीसमेत रहेका त्रिपाठी । कांग्रेसलाई सुदृढ बनाउनका लागि आफूले उम्मेदवारी दिन लागेको उनले बताए ।

‘मैले देशभरका पार्टीका साथीहरूसँग छलफल गरेको छु । पार्टीको आगामी बाटोबारे उहाँहरुको अपेक्षा बुझेको छु । कांग्रेसलाई नविन बाटोमा लैजान म सँग प्रष्ट भिजन छ,” उनले भने, ‘कार्यकर्ताको भावना र जनताको चाहनाअनुसार पार्टीको केन्द्रीय कार्यसमितिमा बसेर योगदान गर्न सक्छु भनेर नै उम्मेदवारी दिने निर्णयमा पुगेको हुँ ।’