काठमाडौँ । आज कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डले गत भदौ ३० गतेदेखि असोज ८ गतेसम्म लिएको परीक्षाको नतिजा सार्वजनिक गरेको हो ।

परीक्षाफल परीक्षा बोर्डको वेभसाइट, एसएमएस र आईभिआरमार्फत जानकारी लिन सकिन्छ । कोभिड–१९ को महामारीका कारण परीक्षा केही ढिला गरी सञ्चालन भएको थियो ।

परीक्षामा देशभरबाट तीन लाख ७५ हजार परीक्षार्थी सहभागी भएका थिए । परीक्षार्थीले वेभसाइटमा https://neb.ntc.net.np लगइन गरेर सिम्बोल नं र जन्ममिति राखेर हेर्न सकिन्छ । यस्तै, एसएमएस गर्नका लागि NEB टाइप गरी एक स्पेस छोडेर सिम्बोल नं टाइप गरेर १६०० मा पठाएर नतिजाको जानकारी लिन सकिन्छ ।