काठमाडौँ । सर्वोच्च अदालतमा आज बन्दीसहित सबै खाले मुद्दाका पेसी तोकिएको छ । सर्वोच्चमा मुद्दाको पेसी तोकिए पनि सुनुवाइ भने सुरु हुन सकेको छैन ।

सुनुवाइका लागि ११ वटा इजलास गठन भएका छन् । नौ संयुक्त र दुई एकल इजलास रहेका छन् । ती इजलासमा १३६ मुद्दा सुनुवाइका लागि राखिएको छ । सर्वोच्चमा यही मंसिर १५ गतेदेखि गोला प्रक्रियाबाट पेसी तोकी सुनुवाइ प्रारम्भ गरे पनि आन्तारिक विवादका कारण गत कात्तिक ८ गतेदेखि नै बन्दीका रिट निवेदनबाहेक अन्य मुद्दामा सुनुवाइ हुन सकेको छैन ।

प्रधानन्यायाधीश चोलेन्द्र शम्शेर जबरा कोभिड–१९ को संक्रमणका कारण सोमबार अस्पतालमा भर्ना भएका थिए । उनी आज अस्पतालबाट घर फर्किएका छन् ।