काठमाडौं । नेपाली कांग्रेसका नेता प्रकाशमान सिंहले आफू कुनै पनि हालतमा पार्टी सभापतिमा उमेदवारीबाट ब्याक नहुने अडान लिएका छन् ।

सोमवार नेता रामचन्द्र पौडेलको निवास बोहोराटारमा बेलुका बसेको बैठकमा नेता सिंहले आफ्नो नाममा सहमति गर्नुपर्ने अडान राखेका स्रोत बताउँछ । मैले धेरै पटक त्याग गरेको छुँ, सभापतिबाहेक अन्य पदमा पावर सेरिङ गर्न सकिने स्रोतको भनाई छ ।

उक्त बैठकले थप ४८ घण्टामा सभापतिको साझा उम्मेदवार छान्ने निर्णय समेत गरेको बताइएको छ ।

पौडेल समूहबाट १४औँ महाधिवेशनका लागि साझा उमेदवार तय गर्न भन्दै बरिस्ठ नेता पौडेल, महामन्त्री शशांक कोइराला, पूर्व उपसभापति सिंह र शेखर कोइरालाबीच बैठक बसेको थियो ।

यी चारै जना पार्टीको आगामी महाधिवेशनमा सभापतिका आकांक्षी छन् ।