काठमाडौं । मनाङ मस्र्याङ्दी क्लब सहिद स्मारक ‘ए’ डिभिजन लिगको शीर्ष स्थानमा उक्लिएको छ ।

शुक्रबार भएको खेलमा फ्रेन्ड्स क्लबलाई २–० ले पराजित गर्दै मनाङ शीर्षस्थानमा उक्लिएको हो । ए डिभिजन लिगको जारी खेलमा मनाङ अपराजित छ ।

शुक्रबार भएको खेलमा मनाङको जीतमा नाइजेरियन फरवार्ड ओलावाले ओलाडिपो अफिज र दिनेश राजवंशीले गोल गरे ।

मनाङको ४ खेलबाट १० अंक पुगेको छ ।

यस्तै, शुक्रबार नै भएको खेलमा दोस्रो विभागीय टिम त्रिभुवन आर्मी क्लबले च्यासल युथ क्लबलाई पराजित गरेको छ ।

त्रिपुरेश्वरस्थित दशरथ रंगशालामा आर्मीलाई जित दिलाउन जर्ज प्रिन्स कार्की र जगजित श्रेष्ठले एक एक गोल गरे ।

यस जितसँगै आर्मीले ४ खेलमा ८ अंक जोडेको छ ।