काठमाडौं । संस्थापनइतर समूहले पाँच दिनदेखि पटक पटक साझा उमेदवार तय गर्ने विषयमा बैठक बसे पनि असफल भएको छ ।

शुक्रबार साँझ महाधिवेशनको उद्घाटन समारोह सकिए लगत्तै बत्तिसपुतलीस्थित अनुपम फुडल्यान्डमा बसेको बैठकले पनि साझा उमेदवार तय गर्न असफल भएको हो ।

उक्त बैठकमा दुई नेता प्रकाशमान सिंहले सभापति अडान नछाडेपछि साझा उम्मेदवारको प्रयास असफल भएको हो ।

कुरा नमिल्ने देखिएपछि सिंह बैठकस्थलबाट बाहिरिएका छन् । शेखर कोइरालाले रामचन्द्र पौडेललाई साझा उम्मेदवार समर्थन गर्ने बताएपनि सिंहले अडान नछोडेपछि साझा उमेदवार तय गर्न पौडेल समूहलाई सकस परेको छ ।

डा. शंशाक कोइरालाले भने यसअघि नै रामचन्द्र सभापतिको उम्मेदवार बनाउनका लागि आफू पछाडि हटेको यसअघिकै बैठकमा बताएका थिए ।

पौडेल समूहको बैठकबाट प्रकाशमान नै हिँडेपछि अन्य नेताहरु पनि क्रमशः बाहिरिएका छन् । नेता शेखर कोइराला पनि एकछिनमा आउनेभन्दै बैठकबाट बाहिरिएका छन् ।

संस्थापन समूहबाट पुनः शेरबहादुर देउवाले नै म्मेदवारी दिँदैछन् । शुक्रबार महाधिवेशनको उदघाटन समारोहमा नै देउवाले आफूलाई फेरि एकपटक सभापति जिताउन महाधिवेशन प्रतिनिधिमाझ अपिल गरेका थिए ।