काठमाडौँ । नेपाली कांग्रेसको १४ औं महाधिवेशन अन्तर्गत सभापति पदका लागि जारी दोस्रो चरणको मतदानको समय थप एक घण्टा थपिएको छ । अपरान्ह ३ः३० देखि साँझ ७ः३० बजेसम्म मतदान हुने भनिएपनि केन्द्रीय निर्वाचन समितिले थप आधा घण्टा समय थपेको थियो ।

तर उक्त समयसम्म पनि मतदान नसकिएपछि पुन एक घण्टा थप गरिएको छ । यस्तै राति ८ बजेसम्म ३४०० मत खसेको निर्वाचन समितिले जनाएको छ । सभापतिमा शेरबहादुर देउवा र शेखर कोइरालाबीच प्रतिस्पर्धा भइरहेको छ ।

कुल ४ हजार ७४३ जना महाधिवेशन प्रतिनिधिले कांग्रेसको नयाँ सभापति चयन गर्ने छन् ।