आज वि. सं. २०७८ साल मंसिर महिनाको २९ गते बुधबार, मंसिर शुक्लपक्षको द्वादशी तिथि । आज मंसिर महिनाको अन्तिम दिन अर्थात मसान्ती रहेको छ ।

मेष
थोरै प्राप्तिका लागि धेरै मेहनतको चक्र काट्नु पर्ने अवस्था आउने छ । कठिन घडिमा पनि व्यक्तित्व भने दृढ खालकै रहने छ । परिवारमा देखिने तिक्तताले मानसिक रुपमा कठिनाईमा हालि दिने छ । भाग्यले साथ नदिएकाले अपजसहरु आइलाग्ने छ । पेशागत क्षेत्र औसत खालको हुने छ ।

वृष
दृढताको कमिले गर्दा अन्योलग्रस्त व्यक्तित्व बन्ने छ । निर्णय क्षमतामा गिरावट आउँदा यसो गरौँ कि उसो गरौँ भन्ने लागि रहने छ । बोली भने नरम र शितल खालको हुने हुँदा अरुले मन भने पराउने छन् । पेशागत जीवन औसत खालको हुने छ । साझेदारीमा गरिएका काममा बिबाद देखा पर्ने छ । दाम्पत्य जीवनमा पनि हाँसो खुशीको अभाव हुने छ ।

मिथुन
मनोबलमा कमि आउने छ । बोली प्रभावकारी हुँदाहुँदै पनि कतिपय अवस्थामा उत्पन्न हुने कडाशैलीको बोलीले काम कुरो बिग्रने छ । पेशागत जीवनमा सकारात्मक उन्नति हुने छ । आम्दानीमा पनि बृद्धि देखिने छ । धेरै जोखिमले भरिएका क्षेत्रमा आवद्धहरुलाई फाइदा मिल्ने छ ।

कर्कट
व्यवस्थापकीय क्षमताका कारण मानिस अनुसार गर्नु पर्ने व्यावहार गर्न जान्ने हुन्छ । बाठो खालको व्यक्तित्व हुने हुँदा जस्तो सुकै परिस्थितिमा पनि आफुलाई फाइदा हुने गरी दृष्टिकोण बनाउन सकिने छ । रिस भने कडा हुने भएकाले विचार पुर्याउनु होला । शिक्षा क्षेत्रमा आवद्धहरुलाई फाइदा मिल्ने छ । अरु क्षेत्रमा रहेकाहरुलाई औसत रहने छ ।

सिंह
सबैसँग मिल्ने मिलनसार खालको स्वाभाव बन्ने छ । नरम प्रकृतिको व्यवहार हुने हुँदा अरुले सकारात्मक रुपमा लिने छन् । पेशागत जीवनमा धेरै उत्साहि हुने समय देखिँदैन् । व्यवस्थापकीय भूमिकामा रहेकाहरुले निकै सतर्क रहेर पाईला चाल्नु होला । आर्थिक पक्षमा नोक्सानी व्योहर्नु पर्ने देखिएको छ ।

कन्या
दुविधाले धेरै सताउने छ । भाग्यले साथ नदिएका कारण कार्यसफलता ढिला गरि थोरै मात्र प्राप्त हुने छ । पेशागत क्षेत्रमा पनि निर्णय लिन निकै कठिन हुने हुँदा निर्णयहिनता जस्तो देखिने छ । साझेदारीमा गरिएका कामहरुमा समस्याहरु देखा पर्ने छन् । तामसी क्षेत्रको व्यवसायमा आवद्धहरुले धेरै जोखिम नलिनु उपयुक्त हुने देखिन्छ ।

तुला
पेशागत जीवनमा उन्नति प्रगति प्राप्त हुने छ । साझेदारीमा गरिएका कार्यहरुमा भने तनावको अवस्था आउने छ । मनोबल र आत्मबल बलियो रहने छ । आफुले लिएका सपनाप्रति दृढतापूर्वक अघि बढ्ने व्यक्तित्व हुने छ । व्यवस्थापकीय क्षमतामा पनि बृद्धि हुने छ । परिवारमा मधुरताको अभाव हुने छ ।

वृश्चिक
मधुरखालको व्यक्तित्व हुने भएकाले अरुसँग घुलमिल हुन सहजता हुने छ । भाग्यको साथ रहेका कारण चालेका कदमहरु सफल हुने छन् । दाम्पत्य जीवनमा भने केही असमझदारीहरु सृजना हुने भएकाले सचेत रहनु नै वेश हुने छ । साझेदारीमा गरिएका कामहरु अड्किने छन् । आर्थिक पक्ष धेरै सवल नभए पनि धेरै कमजोर पनि हुने छैन् ।

धनु
उद्यमशिल स्वाभाव भए पनि चुनौतिहरु विद्यमान रहने छन् । फराकिलो सोच भएको बौद्धिक व्यक्तित्व हुनेछ । प्रतिष्पर्धात्मक क्षमतामा भने कमि आउनाले आत्मविश्वासको कमि हुने छ । धेरै जोखिमपूर्ण कार्यहरु भन्दा सहजतापूर्वक कार्यहरुलाई अघि बाउँदा उपयुक्त हुने छ । परिवारमा मिलन र सौहाद्रपूर्ण वातावरण रहने छ ।

मकर
मनमा उत्साह र उमङ्गको कमि हुने छ । धेरै उत्ताउलो कदमहरु भन्दा सामान्य कदमहरुमा जोड दिँदा उपयुक्त हुने देखिन्छ । धैर्यताको कमि हुने र हतासोपना देखिनेछ । आफुमा भएको बौद्धिकताको पनि उपयोग हुन सक्ने छैन् । अध्ययन, अध्यापनमा प्रगति हुन सक्ने छैन् । आर्थिक अवस्था औसत रहने छ । पैतृक सम्पत्तिका विषयमा तनावपूर्ण वातावरण उत्पन्न हुने छ ।

कुम्भ
पेशागत जीवनबाट लाभ मिल्ने छ । आर्थिक रुपमा सहजता उत्पन्न हुँदा मनोबलमा बृद्धि हुने छ । सामाजिक सेवामा सक्रिय हुन मन लाग्ने छ । आफन्तजनसँगको मिलनले मन प्रफुल्लित हुने छ । यात्रामा समस्या उत्पन्न हुने छ । स्वास्थ्य अवस्थामा सकारात्मक प्रगति हुने छ । पारीवारिक साथले गर्दा असजिलो परिस्थितिमा सँहालिन मद्धत पुग्ने छ ।

मीन
उच्च मनोबल विकास हुने छ । तर रिस नियन्त्रणमा भने ध्यान दिनु पर्ने छ । झैझगडाको अवस्थामा फस्ने चुनौति देखिएकाले विचार पुर्याउनु होला । बोलीमा नरमपना ल्याउन प्रयास गर्नु होला । दाम्पत्य जीवनमा झैझगडाको अवस्था रहने छ । पेशागत क्षेत्र औसत खालको भए तापनि साझेदारीमा भए गरेका कामहरुमा द्वन्दात्मक अवस्था आउने छ ।

(ज्यो. गुरु दिवाकर पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)