काठमाडौँ । पूर्वपश्चिम राजमार्गअन्तर्गत झापाको कन्काई नगरपालिका ७ दुर्गापुरमा बस र मोटरसाइकल ठोक्किँदा दुई जनाको मृत्यु भएको छ । ना ५ ख ७९३७ नम्बरको बस र मे. ७ प. २८४६ नम्बरको मोटरसाइकल ठोक्किँदा दुई जनाको मृत्यु भएको हो ।

मृत्यु हुनेमा मोटरसाइकल चालक इलामको रोङ गाउँपालिका–६ बस्ने ३३ वर्षीय सन्तोष राई र मोटरसाइकलको पछाडि बसेका सोही ठाउँका चन्द्र बहादुर राई रहेका छन् ।

उनीहरुको बीएण्डसी अस्पताल बिर्तामोडमा उपचारको क्रममा मृत्यु भएको जिल्ला प्रहरी कार्यालय झापाले जनाएको छ । बस चालक सरोज ढकाललाई प्रहरीले नियन्त्रणमा लिएर अनुसन्धान सुरु गरेको छ ।