काठमाडौं । नेकपा एमालेमा केपी ओलीसँग अध्यक्षमा प्रतिस्पर्धा गरेका नेता भीम रावलले आफ्नै पार्टी एमालेमाथी प्रश्न उठाउँदै संसदको अवरोध एमसीसी पास गर्न त होइन भनी प्रश्न गरेका छन् । एमालेले सभामुख अगिन प्रसाद सापकोटको कार्यशैलीमाथी प्रश्न उठाउँदै गरिरहेको संसदको अवरोध प्रति असन्तुष्टि जनाउादै रावलले सरकारका काम कारवाही पनि चल्न दिईरहने र संसदमा होहल्ला गरेर अवरोध गरेजस्तो पनि गरिरहने शैली एमसीसी पारित गर्न चाहिलएको खेल त होइन भनी प्रश्न उठाएका हुन् ।

सामाजिक सन्जालमा रावलले लेखेका छन् – सरकारका कामकार्वाही गर्न दिएर संसदका बैठकहरू अवरूद्ध गर्ने कुराको औचित्य के हो ? यो कतै कसैलाई बोल्ने मौका नै नदिएर होहल्लाको बीचमा एमसीसीसँग गरेको सम्झौता अनुमोदन गर्ने खेल त होइन ? यस्तो गरियो भने राष्ट्रघात ठहर्ने छ ।

एमालेले माधव नेपालहरुलाई कारवाही सभामुले नगरेको भन्दै संसदमा अवरोध गदै आईरहेको छ । मंसिर २८ गतेबाट सुरु भएको हिउँदे अधिवेशनको पहिलो बैठक पनि एमालेले वेल घेराउ गरेको थियो । एमालेको विरोधका कारण संसदको बैठक यही पुस ६ गतेसम्मका लागि स्थगित गरिएको छ ।